Дарагія сябры!
15 мая ў нашай краіне адзначаецца цудоўнае свята ‒ Дзень сям’і.

Кожны чалавек звязвае сваё шчасце перш за ўсё з сям’ёй, дзе любяць і чакаюць, заўсёды зразумеюць і падтрымаюць у цяжкую хвіліну.

Асноўнае прызначэнне сям’і ‒ вырасціць дзяцей, даць ім добрую адукацыю і дапамагчы вызначыцца ў няпростым свеце чалавечых адносін. Сям’я надае ўпэўненасць у заўтрашнім дні: вось чаму кожны чалавек павінен берагчы і клапаціцца аб сваіх блізкіх.

Выказваем словы ўдзячнасці ўсім бацькам, якія выхоўваюць сваіх і прыёмных дзяцей, шматдзетным сем’ям. Маладым жадаем вялікага шчасця, вечнай любові, цярпення і мудрасці.

Жадаем, каб у вашых сем’ях заўсёды панавалі павага, цяпло і згода. Моцнага здароўя, шчасця, радасці бацькоўства і мацярынства, міру і дабрабыту!

Раённы выканаўчы камітэт.
Раённы Савет дэпутатаў.